भारत माझा

स्वप्नांत आला भारत माझा
भारत माता रडली आता 
बघ माझी हिरवी साडी 
झाली आता तांबूस काळी   
बघ माझे पाणीदार डोळे 
झाले ते काळे निळे 
श्वास हा माझा काळाधूर जसा  
अरे कोपला आता निसर्ग हा 
स्वप्नातील सुंदर स्वच्छ भारत  
अरे आठवा  स्वप्न महान क्रांतिवीरांचे  
स्मरूनी त्यांच्या बलीदानास 
ध्यानी मनी जागवा देशप्रेम  
नका विकू स्वाभिमान देशद्रोहींना 
पेटवा मशाली सुवर्ण भारताच्या 
करू या विकास स्वातंत्र्य भारताचा 
हिच खरी श्रद्धांजली अर्पूनी छ. महाराजांना  
घेऊ प्रेरणा त्यांच्या अनमोल विचारांची 
नको नुसते कानात डूल कपळावर चंद्र कोर   
मिळूनी सारे घडवू स्वप्नातील भारत छान 
करू विकास भारताचा 
धरु प्रगतीची आस 
तरच खऱ्या अर्थाने होईल 
   भारत माझा महान. 

|| भारत माता की जय ||  

   सौ. रोहिणी अमोल पराडकर 
               कोल्हापूर